بسمة بوسيل تثير الجدل بعد تصريحاتها عن مواصفات الزوج المنتظر

أثارت المطربة بسمة بوسيل، طليقة الفنان تامر حسني الجدل مؤخرا، وذلك بسبب تصريحاتها عن فكرة ارتباطها مجددا وعن المواصفات التي تبحث عنها في الرجل في حال أن ارتبطت مؤخرا، وذلك خلال استضافتها في برنامج «عندي سؤال» الذي يقدمه الإعلامي محمد القس.

وقالت بسمة بوسيل خلال لقائها: “في اللي جاي أنا عايزة واحد يبقى قريب من ربنا، مش عايزة حد متدين أوي لكن يكون بيعرف ربنا عشان يراعي ربنا فيا، ويكون بيصلي 5 مرات في اليوم وأشوفه قدامي بيصلي عشان دا العمود بتاع كل حاجة”.

وأضافت: "لما أنت بتخاف ربنا بيكون في تربية من جواك، مش هقدر أكذب عشان ربنا هيزعل مني فهقول الحقيقة ومش هخون، لأن زي ما هعمل هاخد".

بسمة بوسيل: مش مهم جنسيته المهم يكون مسلم

وعن جنسية الرجل الذي تتطلع للارتباط به، سواء كان مصريًا أو مغربيًا، قالت بسمة بوسيل: " أنا كده كده لازم أتجوز مسلم عاوزه واحد بيعرف ربنا وبيخاف منه لأن بعد كده كل حاجة بتظبط، مش عارفة جنسيته إيه بس لازم يكون مسلم".

بسمة بوسيل عن فكرة الارتباط

واختتمت بسمة حديثها عن فكرة ارتباطها قائلة: "أنا لسه مش جاهزة للارتباط، أنا دلوقتي مش بستحمل حد يتحكم فيا أبدا لو قالي متسافريش مثلا ممكن اتجنن، عايزة أكون مع نفسي في راحة، عايزة أصحى الصبح أسافر أي مكان أو أدخل استديو أغني أو أروح شركتي أو أسافر المغرب لأهلي، لما تبقى حاسس أنك مسجون وطلعت من السجن طبيعي مش هتبقى عايز حد يكلمك، عايزة حرية، ودا ترسبات عن الماضي".