طريقة تحضير الجاتوه شاتوه.. حلوى سريعة بـ10 دقائق فقط

لو بتحبي الحلويات الغنية بطعم الشوكولاتة وسهلة التحضير، يبقى لازم تجربي جاتوه الشاتوه، وصفة سحرية بمكونات بسيطة متوفرة في كل بيت، ومش هتاخد منك وقت، ومناسب لأي مناسبة سواء للضيوف أو مع فنجان قهوة دافي.

المكونات

2 بيضة

كوب حليب

كوب سكر

كوب زيت نباتي

ملعقة صغيرة فانيليا

ملعقة كبيرة خل

ملعقة كبيرة بيكنج بودر

5 ملاعق كبيرة كاكاو خام

كوب ونصف دقيق

طريقة التحضير

1. في الخلاط، اخلطي الحليب مع السكر والزيت والفانيليا والكاكاو لمدة دقيقة حتى تحصلي على مزيج ناعم.

2. خدي كوب من الخليط واحتفظي به جانبًا.

3. ضيفي للكمية المتبقية البيض والخل والبيكنج بودر، واضربي مرة تانية.

4. صبي الخليط في وعاء كبير، وضيفي الدقيق بالتدريج مع التقليب لحد ما يمتزج تمامًا.

5. صبي العجينة في صينية مدهونة بالزيت، وادخليها فرن متوسط الحرارة لمدة 35 دقيقة.

6. فور ما تطلع من الفرن، اسقيها بكوب الخليط اللي احتفظنا به، وقدميها بصوص شوكولاتة سخن أو بعد ما تبرد. 

 ممكن تزينيها برشة مكسرات أو قطع شوكولاتة لو حابة تعملي لمسة إضافية.