المطرب عنبة: «الواسطة» سقطتني في اختبارات الأهلي وشجعت الزمالك عشان شبهي

كشف المطرب مصطفى عنبة، عن أنه قدم في اختبارات النادي الأهلي في طفولته لتميزه في لعب الكرة ومر من اختبارين ورسب في الثالث بسبب الواسطة، وعقب ساخرًا: "أخذوا مكاني واحد عشان أهله وبقيت زملكاوي وقلت الكرة تبقى في حياتي هواية مش حلم، وحبيت الزمالك عشان حسيت قصته شبهي وهو بيعاني وعليه هجوم ودائمًا بيحاول".

وأوضح “عنبة”، خلال حواره ببرنامج "أسرار"، مع الاعلامية أميرة بدر، المذاع على قناة النهار، أنه سار في مشوار آخر بعيد عن كرة القدم وقرر أنه لا يسير في مجال يكون فيه واسطة، مضيفًا، "محاولتش أنى انجح في حاجة فيها واسطة وأغلب لاعبين الكرة اللي بيلعبوا في الشارع هيلاقوا مواهب أكتر من الأندية".

وأشار مصطفى عنبة، إلى أنه من أسرة فقيرة لكن أهله ربوه على القناعة والرضا، متابعًا: "تربيت على الشبع ووالدي قصة نفسي أقابلها في حياتي وهو وأمي صابرين طول حياتهم عشان عيالهم".