ريهام سعيد تثير الجدل بمنشور عقب وفاة سهام جلال
أثارت الإعلامية ريهام سعيد حالة من الجدل والتفاعل الواسع عبر مواقع التواصل الاجتماعي، بعدما شاركت منشورًا عبر حساباتها الرسمية عقب الإعلان عن وفاة الفنانة سهام جلال.
رسالة ريهام سعيد
وعلقت ريهام سعيد عبر حسابها الشخصي على فيسبوك: دلوقتي بقت مهمة وأخبارها في كل مكان؟ عشان ماتت خلاص ففي حاجة نتكلم فيها؟ عشان هانصور الجنازة والعزاء وهايدخل لنا دولارات؟ ياما كانت عايزة تظهر وفيديوهات وسوشال ميديا وبتحاول تقول أنا أهو.
وأضافت: بس للأسف التمثيل بالذات الناس بتتفق مين يشتعل ومين يقعد في البيت، طلبت المساعدة من الزملاء وهي عارفة أنه محدش بيساعد غير لو في مصلحة.
وأوضحت: بقت مهمة وأخبارها كتير بعد ما ماتت، بقت مهمة عشان ماتت لكن وهي عايشه وسطينا بتحاول تقول أنا موهوبة وموجودة محدش عبرها وخصوصا إن اللي بيشتغل شغلنا ده مابيعرفش يشتغل حاجة تانية.
واختتمت: لازم نموت عشان نتقدر، لازم نموت عشان نتقدر ياما خرجت محدش صورها بس دلوقتي ملمومين حوالين نعشها عشان يتسابقوا يصوروها وهي جثة، في رخص كده؟ الله يرحمك أكيد روحتي للأحسن والأعظم والأرحم.
رحيل سهام جلال
ورحلت سهام جلال عن عالمنا صباح اليوم بعد تعرضها لأزمة صحية مفاجئة، تدهورت بشكل سريع خلال الساعات الأخيرة، ما استدعى نقلها إلى المستشفى وخضوعها لمحاولات علاج مكثفة انتهت بوفاتها.
وأكدت مصادر مقربة أن الحالة الصحية للفنانة الراحلة سهام جلال شهدت تدهورًا مفاجئًا، حيث تم إدخالها إلى العناية المركزة بعد خضوعها لعملية جراحية طارئة، قبل أن تفارق الحياة متأثرة بمضاعفات صحية.
