عاطف واصف يكشف كيف أنقذ والده من شراء تحفة مزيفة (فيديو)
قال رجل الأعمال عاطف واصف، إن خبرته الطويلة في تجارة الفضة جعلته بعيدًا عن الخسائر، قائلاً: "في رحلتي مع الفضة مكتبتش إني خسرّت".
وأضاف في لقاء مع الإعلامية لميس الحديدي مقدمة برنامج "رحلة المليار"، عبر قناة "النهار": "واحد فاهم هتخسري إزاي؟ واللي يخسر ارميها عندك في البيت متبيعيهاش".
سر النجاح
وأشار واصف إلى أن جزءًا من سر نجاحه يعتمد على الصبر والتمييز بين الخام القيم وغير القيم، موضحًا: "تلات أرباع الناس اشترت، سيبك من الحاجات دي، الخام اللي هو السبايك، في ناس دخلت اشترت 5 كيلو وكيلو و2 الكيلو بـ 210 ألف، النهارده وصل 150".
موقف طريف
وكشف عن موقف طريف من أيام التعامل مع والده، حين كانت هناك صفقة تحف كبيرة، قائلاً: "أبي كان يحب التحف والشمعدانات الكبيرة، جابوا الجاردنيرا من إسكندرية، قلت له "إيه يا معلم؟ دي مش فضة"، راح زغدني وقال لي "إزاي مش فضة؟ هات الماية'".
وأوضح أن الكشف بالماية كشف أن التحف مزيفة: "حطوا ماية النار طلعت زرقاء.. خسروا ألفين تلاتة بس دلوقتي تلاتة آلاف بـ 300-400 ألف جنيه".
التعلم من الخبرات السابقة
وأشاد واصف بأن التعلم من الخبرات السابقة وحسن التقدير هما أساس الربح في تجارة الفضة، مؤكدًا أن هذه الحوادث الصغيرة تضيف خبرة كبيرة: "اللي متعلم ويعرف الصح والخطأ، حتى لو وقعت حاجة صغيرة، بيتعلم ويكسب على المدى الطويل".
حكاية مع أميرة
كما حكى عاطف واصف، عن موقف طريف من أيام بيع الفضة والتحف، قائلاً إنه في إحدى المرات كان لديه أطباق تركي كبيرة، ودخلت عليه أميرة تريد شراء 3 منها، لكنه كان قد حجز واحدة بالفعل: "قلت لها بس في واحدة حاجزاهم، وكانت تقول لي هرد عليك واحدة ونص، لكن أنا قلت لها مقدرش ادهوملك، أنا مواعد واحدة لبكرة 1.5 أو 2 أقدر أبيعهم".
وألمح أن الموقف تطلب منه موازنة ذكية بين رغبات الزبائن وحفاظه على مصالحه: "هي جت لي الساعة 2، دخلت لقيت الست بتاع امبارح اللي جت لي بتشتريهم وبتلفهم، الست زعلت.. رحت أنا كدا على جنب قلت لها بس سيبيني أنا هبوظ البيعة، واطلعي بره شوية.. روحي اقعدي في نجيب محفوظ".
ذكاء وخبرة
وأوضح واصف كيف استفادت الزبونة الثانية من هذه الطريقة: "دخلت الست التانية قلت لها 'شفتي؟' ورحت مدي بقشيش للعيال جامد أوي وقلت لهم يلا ودوهم على اللوكاندة.. دخلت التانية قلت لها بوظت لك البيعة، علي بابا شوية'".
واختتم واصف حديثه بالتأكيد على أن إدارة البيعة تحتاج ذكاء وخبرة: "في التجارة لازم تعرف تسيطر على الموقف وتحافظ على مصالحك والزبون مبسوط.. وده سر البيع الناجح، مش مجرد بيع وشراء، كل حاجة في وقتها وبالطريقة الصح".
