الإعلامي أحمد شوبير يروي ذكريات شهر رمضان مع كرة القدم

قال الإعلامي أحمد شوبير إنه كان حريصًا على الصيام خلال فترة لعبه كرة القدم، مؤكدًا أنه لم يُفطر يومًا في رمضان أثناء المباريات إلا مرة واحده ولم يكررها بعد.

ذكريات لا تنسى

وأضاف أحمد شوبير خلال تقديمه برنامج «الصورة» برفقة الإعلامية لميس الحديدي على شاشة قناة النهار»: «هحكيلكم موقفين، مرة كان عندنا مباراة بين الأهلي ونادي المريخ في بورسعيد، وقالوا إن الفطار إجباري، وجابوا لنا فتوى شرعية. جه مدير الكرة وقتها واداني قطعة بطاطس، حطيتها في بُقي، ولما لفيت الناحية التانية خرجتها من فمي وكملت صيامي، وعملت نفسي بشرب ميه».

وتابع أحمد شوبير: «عملت ماتش جبار، وجه مدرب الحراس قال لي: شفت عشان أنت فاطر عملت مباراة كويسة ومحدش عرف أني كملت صيام ».
وأردف: «المرة التانية كنا في مباراة للمنتخب في إثيوبيا، وأفطرت وخسرنا يومها 1-0، ومن يومها أقسمت بالله ما أفطر تاني».

موقف لم يتكرر

واختتم أحمد شوبير حديثه قائلًا: «من يومها مفطرتش تاني، وكانت أيامها المباريات في رمضان بتيجي في أغسطس، والحرارة كانت شديدة جدًا ومش كلا اللاعبين بيفطروا  محمد صلاح بيصوم ومعزظم اللاعبين رغم وجود فتوى شرعية بيصوموا».

ذكريات أول  فانوس رمضان

وعن ذكريات أول  فانوس رمضان قال أحمد شوبير: طنطا وجمال طنطا كانت مشهورة بالفوانيس وكان فانوس بشمعة كبير ونلم الأطفال وننور الفانوس ونلف الشارع كله، ومن صغري أنا اللي كنت مسؤول عن تزيين الشارع كنت عفريت".
وواصل: "لو المسحراتي مقلش إسمي أعيط وكنا 6 اخوات ولما كان ينسى كنت أعيط ويروحه يجيبوه تاني عشان ينده علي".