جيهان سلامة: زوجي ضربني بعد الزواج بأسبوع بسبب دوري في فيلم
كشفت الفنانة جيهان سلامة كواليس مشاجرتها مع زوجها بسبب دورها في فيلم «لحم رخيص»، موضحة تعديه عليها بالضرب بعد أسبوع من الزواج، كونه شاهد دورها الذي وصفه بالجريء في فيلم «لحم رخيص» مع المخرجة إيناس الدغيدي.
وقالت جيهان سلامة في برنامج «تفاصيل» مع الإعلامية نهال طايل عبر فضائية صدى البلد 2، قائلة: «زوجي أتعرف عليا بعد ما قدمت دوري في فيلم لحم رخيص وكان بيحبني قوي، وبعد ما اتجوزنا بأسبوع ضربني لأنه اتفاجئ إنه ما كانش شاف الفيلم بس أنا حسيت إن دي قصة وهمية عملها علشان أعتزل التمثيل وأقعد في البيت، ومش عارفة عمل ليه اللفة دي كلها رغم إنه كان ممكن يكون واضح من البداية».
مشاجرة جيهان سلامة مع زوجها
وأشارت جيهان سلامة إلى أن الانفصال حدث مباشرة بعد مشاجرتها مع زوجها، وأن الزيجة لم تستمر لمدة عامين، كما أوضحت أنها تتمنى تقديم دور مريضة سرطان، كونها عاشت فترة كبيرة مع المرض، معلقة قائلة: «أنا عشت مع المرض وشفت خطورته، وللأسف بقيت عارفة إن المرض ده لما بيجي للشخص بيفكر إزاي، وإن خطورة المرض مش في المرض نفسه ولكن في طريقة العلاج والاستقبال ليه».
وألمحت جيهان سلامة: «المرض ده صعب والمشكلة ان الناس بتتخض لما بيتقال أنه مصاب بسرطان بس لازم الشخص يصدق ويامن بالله وشخص يكون وقي وأنه يفوض أمره لله لكن اللي بيحصل أن الناس بتصدق أول دكتور لما يقولهم هتاخدوا كيماوي وأنا النوع بتاعي طلع مينفعش ليه علاج كيماوي غير الحراجة».
تبني طفل من دار أيتام
كما كشفت جيهان سلامة إنها تتمنى تبني طفل من دار أيتام، فهي أمنيتها الوحيدة في الحياة قبل أن يتوفاه الله، كونها وُلدت طفلة يتيمة، وتوفيت والدتها منذ أن كانت تبلغ من العمر عامين، بينما رحل والدها عن عالمنا وهي في عمر الثامنة.
وتابعت قائلة: «أنا اتولدت طفلة يتيمة، ونفسي اتبنى طفل لأني عرفت يعني إيه طفل يكون يتيم ويعيش في الدنيا لوحده، ونفسي يكون التبني أمر مكفول اجتماعيًا وشرعياً، واللي ربتني مرات أبويا، واللي هي أساسًا المفروض كانت ترمينا في أي حتة بعد ما بابا مات، لكنها هي اللي ربتنا وربّتني أنا وإخواتي الأربع أيتام، وأنا بحبها لحد دلوقتي وعمري ما نسيتها، ومن وأنا طفلة بعتبرها أمي».
وأشارت جيهان سلامة إلى أن ما يشغلها في وقتنا الحالي هو التركيز على دورها الذي تعاقدت عليه مع المنتج ممدوح شاهين، وهو مسلسل مكوّن من 15 حلقة، من المقرر عرضه في رمضان المقبل، كاشفة عن تفاصيل دورها بأنه جديد ويحمل بين الطيبة والشر في نفس الوقت.
