ريهام سعيد تهاجم أحمد العوضي: هزأت نفسك بما فيه الكفاية.. ورصيدك مسلسلين

مازالت أزمة الإعلامية ريهام سعيد والفنان أحمد العوضي متصدرة التريند وحديث مواقع التواصل الاجتماعي بشكل كبير في الساعات الماضية، خاصة بعد تصريحات أحمد العوضي الأخيرة على هامش تكريمه خلال فعاليات مهرجان “وشوشة الأفضل 2025”.

ريهام سعيد تهاجم أحمد العوضي

ونشرت ريهام سعيد على حسابها الرسمي على موقع التواصل الاجتماعي “فيسبوك”، منشور تهاجم خلاله الفنان أحمد العوضي وكتبت: "أنت مصمم تجيب الكلام لنفسك، اللي عملت أقوى حلقة مع محمود حديدة دي يا متنمر هي كانت حلقة ازاي السوشيال ميديا والمنتجين بيتاجروا بذوي الاحتياجات الخاصة، ذوي الاحتياجات الخاصة جزمتهم احسن منك".

وأضافت: “أنا فعلا عملت أقوى حلقات في التاريخ لما رحت رفح ونزلت الانفاق ورحت والضرب في فلسطين ومليون حلقة اتفرج عليها العالم مش ناس بشتريهم بالفلوس واعمل لهم مسابقات”.

وتابعت ريهام سعيد مهاجمة أحمد العوضي: "عالجنا آلاف آالاف الحالات والأطفال وفتحنا أول مدرسة لذوي الاحتياجات الخاصة عشر سنين، وأنت كنت بتدور على واحدة تتجوزها وتعيش في بيتها وأنت لا تقدر تصرف عليها ولا قدها"

واستكلمت: “عملت منك بطل واديتك فرص كان يقالك عشرين سنة بتحاول تاخدها والفولورز اللي بتشتريهم بمساتبقات دول أصلا عندك عشان كنت جوزها، أنا شايفة إنك هزأت نفسك بما فيه الكفاية، واللي مش بيعترف بالجويل بيسموه ... غالي ومستواه عالي”.

واختتمت ريهام سعيد منشورها وكتبت: “افتكر كل الفشخرة الكذابة دي ورصيدك مسلسلين يا راجل ده أنا مثلت أكتر منك”

ولكن سرعان ما حذفت ريهام سعيد المنشور من حسابها على “فيسبوك” بعد تعرضها للهجوم في التعليقات من الجمهور.