نادر أبو الليف يعاتب نقابة الموسيقيين: "زمايلكم النجوم مش لاقيين شغل"

وجه الفنان نادر أبو الليف رسالة عتاب إلى أعضاء مجلس إدارة نقابة المهن الموسيقية، منتقدًا قلة فرص العمل المتاحة لعدد من نجوم الغناء، ومقترحًا حلولًا عملية لإنقاذ الوضع.

رسالة أبو الليف لمجلس النقابة

نشر أبو الليف منشورًا عبر حسابه الشخصي على فيسبوك قال فيه:"السلام عليكم ورحمة الله وبركاته .. قرأت إن السادة أعضاء مجلس نقابة المهن الموسيقية زمايلنا المحترمين عاملين لجنة في مسرح السلام لاكتشاف المواهب الجديدة .. مش الأول تحلوا الأزمة اللي الأعضاء العاملين زمايلكم قاعدين مش لاقيين شغل".

وأضاف:"وأنا عارض على النقابة يرجعوا تاني لحفلات أضواء المدينة زي زمان .. وفي مسارح كتير تبع وزارة الثقافة مغلقة لم تُستخدم وممكن يتعمل فيها حفلات كل أسبوع .. والدخل اللي داخل يبقى نسبة للمطرب ونسبة للعازفين ونسبة للتجهيزات والباقي للنقابة".

اقتراحات لحل أزمة قلة العمل

وأكد أبو الليف أن هذه الخطوة ستعيد النشاط لمشهد الغناء:"وده دخل أسبوعي منه الأعضاء العاملين هيشتغلوا والدنيا تدور والحياة ترجع كما كانت عليها في الزمن الجميل .. ولا نكتشف أصوات، وأساسًا النجوم قاعدين في بيوتهم مش عارفين يكفوا بيوتهم .. يا ناس بلاش استفزاز الله يكرمكم وحلوا الأزمة".

وشدد على أهمية مراعاة الظروف الصعبة للأعضاء:"وراعوا زمايلكم قبل أي شئ .. فكروا في مصلحة العضو العامل اللي مش عارف يأكل أولاده .. أرجوكم تراعوا ربنا في زمايلنا اللي ظروفهم صعبة".

واختتم المنشور قائلاً:"وأنا بعرض حل الأعضاء هتاكل عيش والنقابة هتستفاد .. واللي موافق على كلامي يقول بعد إذنكم .. وأشكركم وأرجو عدم الزعل .. تحياتي".