مطرب المهرجانات مسلم يهاجم مصطفى كامل: نقابة غير عادلة

وجه مطرب المهرجانات مسلم، رسالة هجومية لنقابة المهن الموسيقية برئاسة مصطفى كامل، معبرا عن استيائه من النقابة واصفا إيها بأنها «غير عادلة»، مما أثار جدلًا كبيرًا عبر مواقع التواصل الاجتماعي.

وكتب مسلم، عبر صفحته على موقع التواصل الاجتماعي «فيسبوك»، قائلا: «هما عادي ممكن يسيبه حد يبوس وحده علي الاستديج وبعد كده يفرشه الارض ورد ليه ويستقبلو أحلى استقبال، وعادي يسيبه حد يقول أحئات في الاغاني وعادي محدش برضه يتكلم وعادي يسيبه حد يقول كلام في أغاني يخلي العيال الصغيرة تعور بعضها وكل دول ما يتحسبوش وانا الي افضل قاعد سنه بدون شغل عادي جدا بس اقولك ايه هيا دي الواحد لما يكون معاه سلطي بيدوس علي اي حد ويطلع يتكلم ب أسم الفضيله وإنه راجل عادل وعمره ما ظلم حد حسبي الله ونعم الوكيل».

أزمة مسلم مع نقابة المهن الموسيقية

تصدر مطرب المهرجانات مسلم، مواقع التواصل الاجتماعي خلال الساعات الماضية، بعد ظهوره في بث مباشر على مواقع التواصل الاجتماعي أعلن خلاله نيته مغادرة مصر وبيع ممتلكاته، معبرًا عن شعوره بالانكسار والظلم بسبب استمرار منعه من الغناء.

وقال مسلم في خلال بث مباشر: "قررت أسافر وأسيب البلد، وهبيع شقتي وهصفي كل حاجة.. أنا اتظلمت بما فيه الكفاية ومش عايز حاجة تاني. كسرة الرجال صعبة، وأنا مش عامل الفيديو دا عشان صوتي يوصل لحد."

وجاء هذا القرار بعد أنباء تنظيمه وقفة احتجاجية أمام نقابة المهن الموسيقية اعتراضًا على قرار منعه من الغناء منذ شهر مارس الماضي، مؤكدًا أن ما تم تداوله عارٍ تمامًا من الصحة، الأمر الذي نفاه، خلال مداخلة هاتفية مع الإعلامي أحمد سالم في برنامج كلمة أخيرة المذاع عبر قناة ON، قال: "مكانش فيه وقفة احتجاجية، كل الكلام ده كذب وإشاعات، ليه يعني؟ محتاج إيه علشان أعمل كده؟ وأنا إنسان مش جاهل، أنا متعلم، وما يطلعش مني الفعل ده."

وأوضح الفنان سبب تواجده في النقابة قائلًا: "النهارده كنت بحل مشكلة مع شركة إنتاج صوتي كبيرة، خلصتها وخدت عقد جديد، واللي أعرفه إنه لما أخلص المشكلة وأجيب العقد هرجع أشتغل، وكنت رايح النقابة علشان أرجع رسمي."