شريف إكرامي يُطلق تصريحًا غامضًا قبل مواجهة بيراميدز وأوكلاند سيتي

أدلى شريف إكرامي، حارس مرمى نادي بيراميدز ومنتخب مصر، بتصريح مثير وغامض قبل ساعات قليلة من المواجهة المرتقبة أمام أوكلاند سيتي ضمن منافسات بطولة كأس الإنتركونتيننتال.

ونشر شريف اكرامي حارس بيراميدز عبر صفحته الرسمية عبر موقع “إكس" وقال مشكلتنا إننا لسه بنتعامل مع النقد كأنه خيانة ومع الاختلاف في الرأي كأنه تهديد، عندنا تطرف شديد في تصنيف الأمور يا أبيض يا أسود يا ملايكة يا شياطين... نفس الشخص ممكن يبقى كادر و مستقبل النادي الصبح وخاين بالليل لمجرد إنه قال كلمة صادقة حتى لو في نظر البعض خانه التوقيت والتقدير ... 

وتابع ده يورينا ان اللي بيحرك المشهد دلوقتي مش عقل ولا موضوعيه ده مزاج لحظي وانفعال أعمى والعقل مالوش مكان في الساحه أصلاً .. لأن في الحقيقة اللي بيحرك الصورة مش بس العواطف و الانتماءات و الارتباط بالاشخاص.

واختتم حارس بيراميدز: لكن كمان مصالح و صراعات خفية بتوجه و تتحكم وتحدد مين يبقى بطل النهارده ومتهم بكرة... وسط كل ده الجمهور بيستغل و بيتحول من شريك واعي لمجرد أداة بيتم اللعب بيها حسب المصلحة... الخلاصة إن المشهد محتاج عقل يوزن ويقود... مش مزاج لحظي يغيّر الحقايق ولا مصالح خفية تتحكم في المصير.