مصر اديتني كتير أوي.. أدم الشرقاوي يوجه رسالة خاصة لجمهوره
قدم الفنان الشاب أدم الشرقاوي رسالة شكر لجماهيره و متابعيه عبر حسابه على موقع تبادل الصور والفيديوهات انستجرام .
وكتب أدم الشرقاوي، قائلًا :"شكراً لكل الناس اللي تواصلوا معايا والردود الرهيبة شكراً للصحافة، للناس، ولكل اللي أونلاين، شكراً. هابقى أبطل أكون حساس وغريب بعد البوست ده. وأنا مختفي؛ جاتلي رسايل كتير بتقول إني مش بشتغل في مصر عشان بفضل أشتغل في أمريكا".
أدم الشرقاوي
وتابع أدم الشرقاوي :"مصر اديتني كتير أوي. بابا كان دايماً يقولي: إن مصر مفيش زيها مكان، وهو وماما كانوا دايماً يشجعوني إني أهتم بالثقافة، بس كنت صغير وغبي. اشتغلت في مصر مع أحسن ممثلين ومخرجين، والناس رحبوا بيا بجد. رغم إني عشت معظم حياتي في أمريكا (ألوم أهلي)، بعد *لعبة نيوتن* حسيت إني مرغوب فيه ومقبول، كأني ما سبتش مصر أبداً".
وختم أدم الشرقاي :"الناس المصريين سمحولي أشتغل على مشاريع كتير وبنيت نفسي. رغم إن لغتي العربية مش أحسن حاجة، ورغم إني مش فاهم الثقافة كويس، ورغم إني كنت حاسس إني مش دايماً أستاهل، إنتوا دايماً دعمتوني وقبلتوني. شكراً يا مصر".
وفي وقت سابق، كان قد كشف الفنان الشاب ادم الشرقاوي سبب غيابه الفترة الأخيرة عن الساحة الفنية بعد مشاركته فى فيلم شماريخ الذى عرض عام 2023.
ونشر آدم الشرقاوي صورة له عبر حسابه الرسمي على موقع انستجرام، وكتب معلقا: “كان ليا فترة طويلة ما نزّلت بوستات، بس كنت محتاج أخد بريك، من سنتين كنت تعبان جدًا، كنت قريب من 110 كيلو (250 رطل)، ما كنتش قادر أتنفس كويس، عندي ضباب في الدماغ لدرجة إني ما كنتش فاكر أيامي بوضوح، آلام في المفاصل لدرجة إني ما كنتش قادر أقف كتير، والأسوأ إني كنت عندي جلطات دم في رجلي، وجسمي كله كان منتفخ بسبب مشاكل في الكلى”.
آخر أعمال أدم الشرقاوي
يذكر أن الفنان أدم الشرقاوي، شارك في موسم رمضان 2023، من خلال مسلسل «1000 حمدالله على السلامة» بطولة الفنانة يسرا، وشاركها في البطولة كلا من شيماء سيف، محمد ثروت، مايان السيد، آدم الشرقاوي، ومطرب المهرجانات عنبة، والفنانة سما إبراهيم، أوتاكا، مدير التصوير سامح الأمير، مهندس الديكور عمر علاء، مهندس الصوت علاء عاطف، المسلسل تأليف محمد ذوالفقار وإخراج عمرو صلاح، ومن إنتاج جمال العدل.