عايزة حاجة حلوة ومش عايزة تكسري الدايت؟ جربي 5 وصفات بالشوفان تحافظ على رشاقتك

الدايت ليس معناه الحرمان ، ولا يوجد  داعي تبتعدي عن الحلويات طول ما فيه بدائل صحية ولذيذة، و من أحسن المكونات التي  يمكن الاعتماد عليها في وصفات الحلو هو دقيق الشوفان. 

الشوفان غني بالألياف و قليل السعرات و يساعد على الشبع وكمان طعمه لذيذ جدًا لما يتوظف صح في وصفات الحلو .

هنقدملك 5 وصفات حلويات سهلة وسريعة باستخدام الشوفان و بدون سكر أبيضو تنفع للدايت وتخليكي تستمتعي .

1. كوكيز الشوفان والموز (من غير سكر)

المكونات :
• 2 موزة ناضجة
• كوب شوفان
• نصف ملعقة صغيرة قرفة
• ملعقة صغيرة فانيليا
• ملعقة صغيرة زبدة فول سوداني (اختياري)

الطريقة :
اهرسي الموز واخلطيه مع باقي المكونات و شكلي الكوكيز على ورق زبدة ، وادخليها فرن متوسط لمدة 15 دقيقة .

2. شوفان بالحليب والقرفة.. دفى وطعم لذيذ

المكونات :
• نصف كوب شوفان
• كوب حليب خالي الدسم أو نباتي
• رشة قرفة
• ملعقة صغيرة عسل
• شرائح تفاح أو موز للتقديم

الطريقة :
اغلي الشوفان مع الحليب والقرفة على نار هادية لحد ما يتماسك و قدميه مع العسل وقطع الفاكهة .

3. كيك الشوفان بالكاكاو في الميكروويف (جاهز في دقيقتين)

المكونات:
• 3 ملاعق شوفان مطحون
• ملعقة كاكاو خام
• ملعقة زبادي لايت
• نصف موزة مهروسة
• ربع ملعقة صغيرة بيكنج بودر
• نقطة فانيليا
• ملعقة صغيرة عسل (اختياري)

الطريقة:
اخلطي كل المكونات في كوب ، و ادخليه الميكروويف لمدة دقيقتين ، سناك سريع ولذيذ .

4. تشيز كيك الشوفان (من غير فرن)

القاعدة :
• كوب شوفان مطحون
• ملعقة زيت جوز الهند
• ملعقة عسل

الطبقة العلوية :
• 3 ملاعق جبن كريمي لايت
• ملعقة زبادي
• نقطة فانيليا
• عسل للتحلية

الطريقة:
اخلطي مكونات القاعدة وافرديها في قالب صغير، ضيفي فوقها طبقة الجبن و سبيها في التلاجة ساعتين على الأقل قبل التقديم .

5. بولات الطاقة بالشوفان والكاكاو (خالية من السكر الأبيض)

المكونات :
• نصف كوب شوفان
• 2 ملعقة زبدة فول سوداني
• ملعقة كاكاو خام
• ملعقة صغيرة عسل أو معجون تمر
• رشة قرفة أو ملح

الطريقة:
اخلطي المكونات مع بعض و شكليها كرات صغيرة و خزنيها في التلاجة، سناك غني بالبروتين و يشبعك و يحافظ على توازن السكر في الدم.

الدايت مش حرمان و لكن كل الحكاية إنك تختاري مكونات صحية و تعملي وصفات ذكية، جربي أي وصفة من دول، و هتكتشفي إنك تقدري تستمتعي بالطعم الحلو و تحافظي على أهدافك في نفس الوقت .