6 رسائل عاجلة من الرئيس السيسي خلال تفقده الأكاديمية العسكرية (فيديو)

قال الرئيس عبد الفتاح السيسى، خلال كلمته في زيارة تفقدية إلى الأكاديمية العسكرية المصرية، بحضور الفريق أشرف زاهر مدير الأكاديمية العسكرية: «كل عام وأنتم طيبين.. إن شاء الله يكون شهر عظيم علينا كلنا.. عليكم وعلى أسركم وعلي الدنيا كلها كل سنة وأنتم طيبين»، مضيفا: «الحقيقة كنت حريصا أن أكون معاكم النهاردة.. قولت فرصة أعدي على الأكاديمية وأطمن عليكم وأقدم لكم التهنئة بمناسبة الشهر الفضيل وكمان أطمنكم على بلدنا والأوضاع الموجودة فى المنطقة».

التطور سمة من سمات العصر

وتابع الرئيس السيسى: «أنا مطمئن عليكم ودايما مدير الأكاديمية يطلعني علي بشكل دوري وأحيانا يومي علي الأكاديمية وتطور العملية التدريبية والتعليمية وأنا كنت بتكلم مع مثلث القيادة بعد الصلاة.. خلي بالكم التطور ده سمة من سمات العصر.. اوعوا تفتكروا أن الموجود هو الأفضل ويفضل كده على طول.. قد يكون الأفضل حاليا ولكن بعد يتطور ويبقي أحسن».

وواصل: «النقطة الثانية اللي عاوز أكلمكم فيها.. أوضاع مصر.. احنا خلال الـ 18 شهر دول كانت ظروف صعبة على المنطقة في موضوع أحادث غزة والصراع الموجود ونتائجه، واحنا جزء من المنطقة»، مردفا: «احنا دائما دورنا دور إيجابي يهدف إلى تهدئة الصراعات وإطفاء الحرائق ما أمكن.. ودا دورنا الحريصين عليه.. وكان خلال الفترة اللي فاتت ومازلنا حتى الآن.. وكان هدفنا وقف إطلاق النار وإدخال المساعدات وإطلاق سراح الرهائن.. كلام لم يتغير.. وكنا دائما نحذر من استمرار الصراع».

أي صراع عسكري ممكن يخرج عن السيطرة

واستكمل الرئيس السيسي: «دايما أي صراع عسكري ممكن يخرج عن السيطرة نتيجة القوات اللي بتشتغل وتستخدم.. والحسابات ممكن يحصل خطأ فى التقدير ويترتب عليها قرار خاطئ.. ده دورنا ومازلنا قائمين به وحريصين عليه»، مستطردا: «احنا أول دولة عملت اتفاقية السلام عام 1979.. لنا تجربة رائعة جدا جدا فى الوقت ده.. ومكنشي فيه حد بيتكلم عن السلام وكان طرح الرئيس السادات لهذا الموضوع كان محل نقاش كبير جدا وكان له آثار كبير جدا في الوقت».

واستطرد: «دايما خيار مصر السلام وهو الأفضل لأن الأموال اللي تنفق في الحروب يجب أن تنفق في التعمير والتنمية.. وحتي اللي بيكسب في الحرب حجم الإنفاق اللي بعمله لهذا المكسب بيكون له تأثير كبير جدا على اقتصاده»، مشددا: «نبذل جهدا كبيرا في هذه المرحلة وهو امتداد للمراحل السابقة من أجل الوصول إلى تثبيت وقف إطلاق النار وإدخال المساعدات وإطلاق سراح الر».

قادرون على إعادة إعمار قطاع غزة.. رغم الدمار الكبير

وأوضح الرئيس السيسي: كان لينا طرح خلال الفترة الماضية أن احنا نقدر نعمل إعادة إعمار لقطاع غزة رغم الدمار الكبير.. والتصور ده جاهز بالتنسيق مع الأشقاء.. واشتغل فى الموضوع ده كل مؤسسات الدولة.. وزارة التعليم العالي ووزارة الإسكان والهيئة الهندسية.. كل دول اشتغلوا من أجل وثيقة من كل الوجوه وتكون قابلة للتنفيذ.. ثم مع الأشقاء فى الدول العربية فى مؤتمر القمة العربية تم مناقشة هذا الموضوع وأقرتها الدول العربية فى قمة غزة بالقاهرة».

وعن الشأن الداخلي قال: «ده إطلالة سريعة على الموقف.. الموقف الداخلي أخباره إيه.. طبعا عارفين الشهر ده.. لازم نستعد له كويس.. واشتغلنا عليه كويس ومش أول مرة خلال الشهور اللي فاتت علشان الأمور تكون متوفرة بشكل كويس وبأسعار مناسبة ما أمكن يعني لأن حجم الطلب في الشهر ده بيكون ضخم جدا من كل الناس في مصر».

الاحتياطات من السلع كلها موجودة ومتوفرة

وأكد الرئيس السيسي: «الأمور الحمد لله رب العالمين.. الاحتياطات من السلع كلها موجودة ومتوفرة.. بنتكلم مفيش احتياطي أقل من 4 شهور – 6 شهور.. حريصون فى كل السلع زي الأزر والسكر وغيرها من السلع الأساسية وتحتاج إليها الناس فى حياتها اليومية.. الحمد لله رب العالمين».

وتابع: «لازم أسجل هنا للمصريين تقدير شديد واحترام شديد.. اصفافهم خلف القيادة والدولة.. بقول لكم أنتوا كمستقبل مصر أن بدون أي جهد.. الجهد كان متوفر بوعي وتفاهم المصريين للمخاطر الموجودة.. كانوا ومازالوا على قلب رجل واحد تجاه الأحداث التي تمر بالمنطقة.. وده أمر مأثر فيا جدا بشكل إيجابي وسعيد بيه أوي»، مشددا: «سعيد أن المصريين جنب مني ومعايا وفاهمين.. حتي لو فيه ظروف صعبة الكل تجاوزها.. كلنا فى مصر على قلب راجل واحد تجاه التحديات فى المنطقة.. ده أمر لازم اقولوا واسجله لشعب مصر.. كل التحية لشعب مصر».

مكملين التنسيق مع الأشقاء والشركاء حتى نصل إلى وقف الحرب

وتابع الرئيس السيسي: «الفترة اللى احنا فيها واللى جاية.. مكملين الجهد ده والتنسيق مع الأشقاء والشركاء فى أوروبا والولايات المتحدة أن احنا نصل إلى وقف الحرب فى غزة.. فترة كبيرة أوي والمنطقة شهدت أحداث كبيرة أوي خلال سنة ونص.. وكلها أحداث مكنتش إيجابية».

وأضاف: «بالله سبحانه وتعالي وبيكم والقوات المسلحة بنقوم بدور فى حماية حدودنا رغم الظروف الصعبة الموجودة فى هذه الاتجاهات.. صراعات وحروب يمكن لكن احنا الحمد لله الموقف فى مصر بفضل الله وبفضلكم.. الأمور بخير وسلام.. اطمئنوا وبقول لكل الشعب المصري.. لا تشغلوا بالكم أب».

 ماشيين على ثوابت وقانون وأعراف دولية

واستكمل الرئيس السيسى: «ندير الأمر بكل الحرص والالتزام والثقة فى الله ثم فى أنفسنا.. ماشيين على خط ثوابت.. ثوابت قانون وأعراف دولية.. ثوابت أخلاقية وإنسانية.. العمل على إنهاء الصراعات والنزاعات.. كلها ثوابت مدعومة من داخلها.. الثوابت دي من أفضل الثوابت اللي ممكن نتعامل بها».

وواصل: «مهم أوي ومش ملفت للنظر وكنت متوقع كده.. المصريين دائما تجدهم فى الشدائد.. ممكن الناس تكون متضايقة شوية من الأسعار والظروف الصعبة.. لكن وقت الشدائد تجد المصريين»، مضيفا: «بطمنكم الحمد لله الأمور بخير.. اطمنوا على بلدكم».

رسالة الرئيس السيسي لطلاب الأكاديمية 

وتابع: «عاوز أقول لكم ولكل الموجود فى الأكاديمية بنحاول بيكم نعمل تطوير إيجابي أوي فى مصر.. ربنا يوفقكم وكل سنة وأنتم طبيبن.. خلي بالكم من بعضكم ونحترم بعض.. ونبذل الجهد المناسب أن نكون مستعدين كويس.. أى كان القطاع اللى شغال فيه.. كل مؤسسات وقطاعات الدولة تشتغل بكفاءة كويسة على تقدم الدولة وازدهارها».