شيكابالا: لاعب الكرة مش مضغوط.. الضغط الحقيقي لمن يسعى لتوفير لقمة العيش لأسرته
تحدث محمود عبد الرازق "شيكابالا"، نجم الزمالك السابق، عن مفهوم الضغوط التي يتعرض لها لاعبو كرة القدم، مؤكدًا أن هناك فئات كثيرة في المجتمع تواجه ضغوطًا أكبر بكثير من الضغوط التي يعيشها اللاعبون داخل المستطيل الأخضر.
وقال شيكابالا، خلال ظهوره في بودكاست "فايق ورايق": "هقولك على حاجة يا إبراهيم، لاعب الكورة مش مضغوط، وده كلام إحنا كلاعيبة بنضحك بيه على الناس.
وأضاف: اللي بيكون مضغوط بجد ويقول على نفسه مضغوط، هما الناس اللي بيطلعوا من بيوتهم الفجر عشان يجيبوا أكل لأهل بيتهم، ومش عارفين هيرجعوا ولا لأ، واللي بيكون عليه ديون ومش عارف يسدد، واللي في رقبته عيال مستنيينه يرجع عشان ياكلوا.
وأوضح نجم الزمالك السابق أن لاعبي كرة القدم رغم وجود ضغوط عليهم، فإن طبيعة عملهم تختلف عن معاناة الكثيرين، قائلًا: إنت كلاعب بتعمل حاجة بتحبها وبتاخد عليها فلوس كتير. آه، بيكون فيه ضغوط، بس ضغوط بالنسبة للي قولتها مفيش مقارنة.
وأشار شيكابالا إلى تقديره الكبير لكل شخص يكافح يوميًا من أجل أسرته، مؤكدًا أن المسؤولية الحقيقية تظهر لدى من يواجهون ظروفًا صعبة من أجل توفير حياة كريمة لأبنائهم.
