فدوى عابد عن انتقادات السلم والثعبان: ما شوفتش أي هجوم على الفيلم (فيديو)
كشفت الفنانة فدوى عابد عن كواليس نجاح شخصية “نادين” التي قدمتها في فيلم “السلم والثعبان”، مؤكدة أن تفاعل الجمهور هو السبب الحقيقي وراء تعلقهم بالشخصية.
وقالت فدوى عابد خلال مداخلة هاتفية مع الإعلامية نهال طايل في برنامج تفاصيل المذاع على قناة صدى البلد2: 'مش عارفة، الشخصية علمت مع الناس ازاي ممكن نسأل الناس فعلاً".
الانتقادات على الفيلم
وأضافت: "متبعتش الانتقادات اللي على الفيلم، فمش عارفة الناس قالت ايه، مادام مفيش حاجة جتلي أنا شخصياً أنا مابتابعهاش، ماببقاش عايزة أتابع".
وتابعت: "أنا دلوقتي مش بحضر لحاجة جديدة، وبشوف اللي بيجيلي هل مناسب ليا ولا لا، بس لا لسه مفيش أي حاجة جديدة".
وأوضحت فدوى عابد: "الشهر الجاي هينزل مسلسل صورته من زمان أوي، 'ورد على فل وياسمين' بطولة صبا مبارك ويارب يعجب الجمهور".
