محمد عبد الوهاب: عبد الله السعيد اتظلم في الأهلى وكان رافض يمشى

كشف محمد عبد الوهاب عضو مجلس إدارة النادى الاهلى الأسبق كواليس رحيل عبد الله السعيد نجم الزمالك عن القلعة الحمراء.

عبد الله السعيد اتعرض لإغراءات كبيرة

وقال محمد عبد الوهاب الذى يحل ضيفاً على برنامج "النجوم في رمضان" :"عبد الله السعيد اتظلم في الأهلى، الحقيقة مكنش عايز يمشى من الأهلى ، هو بس كان عايز يعرف هياخد كام ومحدش كلمه واتعرض لإغراءات كبيرة".

ويضيف عضو مجلس الاهلى الأسبق:" حتى لما جاله عروض كبيرة قال للمسئولين في الأهلى عشان يتمسكوا بيه، فقالوله مع السلامة شوف مصلحتك فكان لازم يمشى، وعشان كدا ربنا كرمه ومكمل".

وتابع محمد عبد الوهاب :"عبد الله السعيد من ضمن لاعيبة وقعت معايا على بياض ومدورتش على فلوس وجابت بطولات كتير".

وتُقدم الإعلامية الكبيرة نجلاء حلمي برنامج "النجوم في رمضان" عبر إذاعة الشباب والرياضة، ويترأس فريق تحريره الكاتب الصحفي وليد قاسم ويذاع أيام الجمعة والسبت والأحد والثلاثاء طوال شهر رمضان المبارك.