عاطف واصف يكشف لأول مرة: "الفضة عايزة صبر أيوب ومال قارون"
أكد رجل الأعمال عاطف واصف، على أهمية الصدق والأمانة في عالم الفضة، موضحًا: "خدت عن والدي الصدق والأمانة.. متدبحش البطة ولا الوزة ولا الفرخة على طول، خد منها بيضة كل يوم".
وأضاف في لقاء مع الإعلامية لميس الحديدي مقدمة برنامج "رحلة المليار"، عبر قناة "النهار"، أن النجاح في تجارة الفضة يحتاج إلى صبر طويل وعلاقات طيبة مع الزبائن: "خلي الزبون يبقى فيه صداقة وفيه محبة، وأنا الحمد لله في مصر كلها مفيش بيت معندوش حتة فضة من عندي".
التعامل بحكمة وصبر
وأكد أن التعامل بحكمة وصبر هو أساس استمرار العمل في هذا القطاع، وعن طبيعة الاستثمار في الفضة، قال واصف: "الفضة عايزة صبر أيوب ومال قارون، كل ما لازم تبقى عندك أولًا رأس مال جامد عشان كل ما يجي حاجة حلوة تشتريها".
وأضاف بثقة واطمئنان: "الحمد لله عندي مال قارون وعندي صبر أيوب"، في إشارة إلى الجمع بين الصبر الطويل والقدرة المالية لنجاح التجارة.
أول مليون جنيه
تحدث عاطف واصف، عن تجربته الشخصية في الوصول لأول مليون جنيه من تجارة الفضة والتحف، قائلاً: "بيني وبينك المليون واتنين مليون.. اشتغلي ربنا هيرزقك أكتر من مليون وأكتر من 5 مليون، مفيش حد بيعد على.. عارفة تبيعي دي وكسبتي فيها 200 جنيه ودي فيها 1000 جنيه ودي فيها 5000 هو دا الشغل".
وكشف عن أول صفقات كبيرة ساعدته على تحقيق أرباح ضخمة، موضحًا: "كان عندي 22 سنة.. بعت إثنين شمعدان وجاردنيرا كبار قدام ذهب، بتوع حد باشا من البشوات، وكان فيها بردو ناس بيضاربوا.. فبتبيعها كأنتيك يعني، مش بس كوزن وكدا، بتبيعها كمان كقطعة".
الفارق بين القديم والجديد في الفضة
وعن الفارق بين القديم والجديد، أوضح واصف: "الفضة الحلوة مش بالوزن والذهب الحلو مش بالوزن، والعقاد التركي والحلقان التركي القديم مش الجديد، الجديد اوزن، لكن القديم دا قطع، ولأنك بتبيعي العمر والزمن، بتبيعي عملة والناس فاهماها دي إيه، وكل ما هو قديم كل ما زاد تمنه".
وشدد واصف على أن النجاح في هذا المجال يحتاج إلى فهم قيمة القطعة وتاريخها، مشيرًا إلى أن المستثمر الذكي لا ينظر للوزن فقط، بل يقدّر العمر والفن والندرة: "كل قطعة ليها قصة وكل قصة لها قيمة، وده اللي بيخلي التجارة مربحة ومستدامة".
