عمرو زكي: أمي مقهورة بسببي.. وهناك أشخاص كانوا يريدون الاستفادة المادية مني

كشف عمرو زكي نجم الكرة المصرية السابق، عن أسباب ابتعاده عن الساحة الرياضية خلال الفترة الأخيرة.

وقال عمرو زكي في تصريحات مع سهام صالح لبرنامج "الكلاسيكو" على قناة "ON": الحياه كانت وخداني فحصلت حاجات في حياتي مش أحسن حاجة.

وأضاف: "الحادثة أثرت عليا نفسيًا وماديًا، وفاة والدي  أثر معايا جدا ولذلك كنت بعيدًا عن المشهد خلال السنوات الأخيرة".

والدة عمرو زكي

وتابع: "أمي مبسوطه دلوقتي بسبب ظهوري .. أنا دلوقتي بفرح امي ولولا دعوتها دلوقتي مكنتش طلعت تلفزيونيًا، حاسة بيا وحاسة إني مظلوم  وصعبان عليها قعدتي وإني مش شغال 
وواصل: وأخويا الكبير صابر هو ابويا التاني وسندي ودايما بيوجهني وفيه ناس كانت عاوزة تستفاد مني ماديًا ومش بحب أتعامل مع الناس دي".

ردا على الشائعات

رد عمرو زكي، على الشائعات التي انتشرت عنه في الفترة الأخيرة، وحقيقة مرضه، وقائلا: أما تيجي تتكلم ايه الهدف من انك تتكلم على لاعيب كورة، انا مش هذكر اسماء.. انا مش هزعل لما اقول لواحد، وأضاف: "زعلان من حاجات كتير، ومش هرد على حد معين ، وانا بقول للحد ده انت ليه مجتش كلمتني ليه".

غياب عمرو زكي

وتابع عمرو زكي: لازم أراعي نفسية الشخص، لأن المعلومه دي ممكن تاذيني وتاذي اهلي وبنتي وبيتي.. بنتي بتصرخ بتقولي يابابا هو مفيش غيرك كل شويه يقولوا كلام غلط ، لو أنا ماشي غلط مفيش مشكله تقولي غلط عشان لتعلم".

وواصل: "المصداقية هي اللي بتقولي اشتغل وأطلع هنا ولا اطلع هنا، محدش أصلًا كان بيتصل عليا، انا بوصل للناس بسرعة.. لو عاوزني أرجع للساحة يكلمني بيني وبينه مش على الشاشة وقدام الناس، أنت بتغفل  الدنيا عشان أنت بتتكلم عليا بشكل غير لائق".

واختتم عمرو زكي: "هو إيه الخبر اصلا عشان أطلع أقول.. لما أنت بتقول كده عشان اطلع اشتمك وأظهر من تاني، لو كنت طلعت مكنش هيفرق معايا انك كابتني أو أي حد وكنت هقولك واكلمك ، للدرجة دي فريق الإعداد بعيد عني عشان تطلع تتكلم".