أيمن منصور نجم الزمالك يودع الراحل محمد صبري بكلمات مؤثرة

قال أيمن منصور كابتن نادي الزمالك الأسبق إن الراحل محمد صبري كان علامة مميزة في تاريخ النادي، سواء داخل الملعب أو خارجه.

واكد منصور في تصريحات لراديو صوت الزمالك: فراقه ورحيله صعب بالنسبة لنا كلنا ربنا يصبر أسرته ويصبرنا ويصبر جمهور الزمالك اللي كان بيحبه وبيقدره.

وأضاف آخر تواصل بيني وبين محمد صبري كان من حوالي شهر، خلال أحد برنامجه وقتها اتكلمنا وضحكنا وكان كالعادة في قمة التواضع.

وأشار منصور إلى أن محمد صبري كان بيتعامل مع كل ضيوفه في البرنامج بشكل محترم وبأخلاق عالية وكان دايمًا شخص مرحاب وطيب وبيحب الناس.

كما استعاد ذكرياته معه داخل الملعب قائلاً: تصويبات محمد صبري كانت رائعة، وكان معروف بتسديداته القوية من خارج الـ 18 وسجل أهداف جميلة كتير، وكمان سجل أكتر من هدف في الأهلي، ودي حاجة جمهور الزمالك عمره ما هينساها"

واختتم منصور: محمد صبري مش بس لاعب كبير ده كان إنسان محترم وخلوق، وهيفضل علامة في تاريخ الزمالك."