سما المصري تكشف عن رغبتها في الزواج: «عايزة راجل يشكمني ويلمني»
في تصريحات أثارت الكثير من الجدل، أعلنت الفنانة المعتزلة سما المصري عن رغبتها في الزواج، مشيرة إلى أنها تسعى للعيش في استقرار مع رجل يكون سندًا لها، على غرار بعض الفنانات مثل منة شلبي ومي عز الدين.
وقالت سما المصري في فيديو عبر حسابها الرسمي على موقع “إنستجرام”: “كل الناس بتتجوز وأنا قاعدة كده، منة شلبي ورانيا يوسف وحتى مي عز الدين اتجوزوا. أنا بقى عايزة أتجوز وأتستر ويبقى ليا بيت وأتلَم، العمر بيجري وأنا كبرت، يمكن ألحق أخلف حتة عيل، ولو مفيش خلاص أبقى عايشة في حما راجل أحسن من ما أنا متبهدلة”.
وأضافت سما المصري: “أنا بقيت ست محترمة ومش عايزة غير ابن حلال هادي ويعاملني كويس. عايزة حد يشكمني ويلمني ويقعدني في البيت، يشكمني بالأدب”.
سما المصري: الحجاب زاد من عروض الزواج لي
وكشفت سما المصري عن زيادة عروض الزواج التي تلقتها بعد ارتدائها الحجاب، حيث قالت: “عروض الجواز مني زادت أويبعد الحجاب… اعمل إيه؟! هل الحجاب بيحليني وبينضفني وبيحلي الناس وبينضفها من جوه كده؟” وأضافت في منشور لها دعماً للفتيات: “لكل البنات اتحجبوا هتتجوزوا.. ولغير المحجبات ربنا يرزقكم بعرسان حلوة ويهديكم للحجاب. الحجاب داقمر أوي وأنا حبيته بجد”.
هجوم على أمينة حجازي: «السوشيال ميديا دمار»
في سياق آخر، وجهت سما المصري انتقادات للبلوجر أمينة حجازي، حيث علقت على ما أثير حول طلب حجازي من زوجها عدم الظهور على وسائل التواصل الاجتماعي، قائلة: “الشيخ ده أنا مبحبوش، بس هقول كلمة الحق. انت طلبت من زوجتك متطلعيش على السوشيال ميديا يبقى تسمع الكلام. كنتِ انفصلي واعملي اللي انتي عايزاه بدون ما تكسري كلامه. السوشيالميديا دمار، ومعظم حالات الطلاق بسببها، بيتك وعيالك أولى بيكي، وارحموا الراجل هو حر.”
توضيح حول تصريح «عايزة راجل يشكمني»
وكانت سما المصري قد تصدرت التريند مؤخرًا بعد تداول تصريح منسوب لها، يفيد بأنها قالت: “عايزة راجل يشكمني”. وعلى إثر ذلك، علقت سما على هذه الأقاويل، موضحة: “في خبر منتشر بقاله كام يوم منسوب ليا إني قولت (عايزة راجل يشكمني)،وأنا ما قولتش كده لا زمان ولا دلوقتي. في ناس مالهاش لازمة بتشتمني، وأنا مش برضى أرد عليهم ولا أقاضيهم عشان أكل عيشي. ياريت الناس تهدى شوية، أنا ست كويسة وأعرف أشكم نفسي”.
