أنوسا كوتة: ابني كنز لسه ميعرفش بوفاة أبوه محمد رحيم ومش ناوية أقوله

تحدثت أنوسا كوتة مدربة الأسود وأرملة الملحن محمد رحيم عن الحالة النفسية التي تمر بها خلال الفترة الحالية، بعد رحيل زوجها من  خلال بودكاست "يمنى النهاردة" تقديم الإعلامية يمني بدراوي.

حقيقة معرفة ابنها كنز رحيل والده

وكشفت أنوسة عن حقيقة معرفة ابنها كنز بخبر رحيل والده الملحن محمد رحيم قائلة: "لا ميعرفش، وحاسة أني مش هقوله، خايفة أقوله، معنديش حاجة في حياتي اخاف عليها قد كنز، يمكن عشان انا نفسي لسه مقومتش من الصدمة".
وتحدثت عن وفاة الملحن محمد رحيم قائلة: "كان موته صدمة غير طبيعية، الله يغفر له ويرحمه، كان موضوع صعب عليا أني استحمل، لأنه حب عمري، وكان مبسوط بحياتنا".

عامل سيرك طنطا

وأضافت: "يوم وفاته كان يوم صعب ووحش مش عايزة افتكره، بذهب له باستمرار في المدفن، يمكن أنا أكتر حد بروح وبزوره عشان هو يستاهل، أنا ورحيم كنا ملتزمين دينيا جدا، قبل وفاته بشهر كنا بنعمل عمرة".

وعن المبلغ التي دفعته لـ محمد بسطاويسي عامل سيرك طنطا بعد أن فقد يديه بسبب الاسد قالت: "طلب 400 ألف جنيه ودفعتهم محدش بص أني معيش فلوس وقايمة من حال وفاة، أنا بعت ذهبي عشان اديله الفلوس، كل بيتعامل معايا علي أني مليونيرة، أنا بصدر أني كويسة، لكن تعالو شيلوا شيلتي".