ميدو: الزمالك "مستباح".. ولا يُعامل مثل الأهلي

أكد أحمد حسام ميدو أن نادي الزمالك يمر بأزمة مالية حقيقية تتعلق بتأخر المستحقات، مشددًا على أن ما يتردد حول إقالة المدرب البرتغالي يانيك فيريرا غير صحيح.

ميدو: مفيش عدل بين الأهلي والزمالك

وقال ميدو خلال تصريحاته عبر برنامج "أوضة اللبس": "الزمالك عنده مشكلة مادية، ومشكلة في المستحقات، لكن مشي فيريرا؟ الكلام ده مش حقيقي، في حاجات بتتقال مش دقيقة."

وأضاف ميدو: "اللاعيبة عندها التزامات، سواء بياخد ملايين أو بياخد 6 آلاف جنيه، كل لاعب بيرتب حياته حسب دخله، والملياردير زيه زي الموظف الصغير في فكرة الالتزام المالي."

وتابع نجم الزمالك السابق: "الزمالك لحد سنة 93 كانت بطولاته قريبة جدًا من الأهلي، لكن بعد كده بدأت سلسلة من المشاكل والأزمات اللي أثرت على استقرار الفريق."

واختتم ميدو حديثه منتقدًا التفرقة في المعاملة بين الأهلي والزمالك: "الأهلي لما مر بأزمة لقى دعم من كل الجهات، إنما الزمالك محدش وقف معاه، أنا مش ضد استقرار الأهلي، بس لازم يكون في عدل في التعامل، ميصحش نادي يبقى مستباح والتاني لأ."