مي فاروق توجه رسالة مؤثرة لجمهورها في يوم ميلادها.. ماذا قالت؟
وجهت الفنانة مي فاروق رسالة مؤثرة لجمهورها بالتزامن مع احتفالها بعيد ميلادها، وأعلنت خلالها أنها تعيش حالة من الامتنان بعد حالة الحب التي لمستها من جمهورها.
مي فاروق: ممتنة لله
وعلقت مي فاروق عبر حسابها الشخصي على فيسبوك قائلة: النهارده عيد ميلادي، ممتنه لكم جدا لكل الحب اللي شايفاه في بوستاتكم وكلامكم وحبكم اللي دايما بيوصلني، وأما عني أنا أحب أقول لنفسي أنا فخورة جدا بما أنا عليه الآن وممتنه جدا لله على كل نعمة من سنين وأنا صغيرة حلمت حلم كبير وما كنتش عارفة مكتوب لي أحققه ولا، وفضلت وراه وبفضل ربنا قدرت أحققه وأحقق أكتر من اللي تخيلت إني أقدر عليه.
رسالة من مي فاروق لأولادها
وأضافت مي فاروق: فخورة بكوني أم حقيقية لأولاد تشرف وأتمني أكون دايما ضهر لهم ومشرفاهم، فخورة إني زوجة لرجل محترم مش سهل يبقى فيه زيه كتير في زمننا ده، فخورة إني قادرة أخرج من حياتي أي حد سام وربنا بيبعده عني، فخورة إني كنت أبنه باره لأهل عظماء سابوني وهم راضيين عني، ممتنه لله جدا على كرمه وعوضه ليا دايما الجميل في كل حاجه.
شكر للأسرة والعائلة
واستكملت حديثها: شكرا لله على كل ما أنا عليه الآن وأتمني أكون دايما للأحسن، شكرا لكل اللي قابلوني وحبوني من قلوبهم انتم كنز حقيقي، شكرا أمي وأبويا على رضاكم عني كنت أتمني وجودكم للأبد عشان تفرحوا بيا بس دايما دعواتكم محاوطاني، شكرًا أخويا ومراته وولاده، شكرا ولادي وجوزي وعيلتي الحلوة المحترمة اللي في حياتي، شكرا فريق عملي اللي هم أصبحوا من أفراد عيلتي على حبكم وصدقكم في كل حاجه.
أمنيات مي فاروق بعيد ميلادها
واختتمت مي فاروق قائلة: شكرًا أصحابي اللي هم عيلتي على حقيقتكم وحبكم اللي بجد مش تمثيل، شكرًا من كل قلبي لجمهوري اللي حبني ودعمني واحترمني من ساعة ما ابتديت لحد يومنا هذا، شكرًا لكل فرد فيكم، وفي الآخر شكرًا لنفسي أنها طلعت أقوى بكتير مما تخيلت، أمنيتي أقدر أكمل المشوار مع ولادي لحد ما يبقوا قد الدنيا كلها وأكون دايما حسنة السيرة وطيبة الأثر، بحبكم قوي قوي قوي.
