باسم مرسي يفجر مفاجأة: «المراهنات تؤثر على نتائج بعض مباريات الدوري الممتاز»

أكد باسم مرسي، مهاجم الزمالك السابق، أن هناك مراهنات تحدث في الدوري المصري بهدف تسهيل بعض المباريات، مشيرًا إلى أن تلك المراهنات تسببت في بعض الأوقات في التأثير على بعض المباريات.

وقال باسم مرسي، في تصريحاته مع الإعلامية سهام صالح خلال برنامج "الكلاسيكو" على قناة ON: "في مراهنات في الدوري المصري، وأنا أول واحد اتكلمت عن الموضوع ده".

وأضاف: “موضوع المراهنات مش جديد، ده بقاله موسمين، وأنا سمعت عنه من زمايلي اللعيبة، وعلمت أن المراهنات تؤثر على نتائج بعض مباريات الدوري، بسبب مشاركة بعض اللاعبين”.

وتابع: "في لاعيبة بتدخل مواقع المراهنات علشان تتساهل في نتايج بعض الماتشات، وسمعت الكلام ده وأنا كنت في سيراميكا كليوباترا، ولسه الموضوع ده موجود لحد النهارده".

باسم مرسي: مش هلعب في مصر تاني

وتطرق باسم مرسي للحديث عن مصيره وإمكانية عودته للعب في الدوري المصري من جديد، حيث قال: "مش هلعب في مصر تاني، لأن في مدربين بيخافوا من اللعيبة الكبار، وفي حاجات بتحصل في الكواليس محدش يعرفها غيري".

وأشار: "وصول الزمالك لنهائي إفريقيا سنة 2016 أمام فريق صن داونز، وكان إنجازًا كبيرًا، والهزيمة أمام صن داونز كانت لأسباب فنية فقط، مش بسبب أي مشاكل انضباطية".

واختتم مرسي حديثه بالتعليق على واقعة "السكينة" مع حازم إمام، لاعب الزمالك السابق، قائلًا: "اللي حصل كان سوء تفاهم، والموضوع كبره الصحفيين، وحازم إمام شخص محترم جدًا".