ملك زاهر تطمئن جمهورها: وعكتي كانت صعبة ومرعبة.. والحمد لله عرفت السبب وبخِفّ

حرصت الفنانة الشابة ملك أحمد زاهر على توجيه رسالة شكر مؤثرة لجمهورها وكل من سأل عنها، بعد تعرضها لوعكة صحية مفاجئة أثارت قلق متابعيها خلال الأيام الماضية.

وكتبت ملك عبر حسابها على "إنستجرام"، موضحة تفاصيل حالتها:"أنا والله ما كنت متوقعة كل رد الفعل ده، لما قررت أشارككم حالتي كنت مرعوبة، لأني ولا أنا ولا الدكاترة كنا فاهمين إيه اللي بيحصل، وده خلاني أحس برعب حقيقي. كنت محتاجة أوصلكم إن حياتي فيها أيام حلوة وأيام صعبة، والبوست ما كانش علشان أقلقكم، بالعكس، أنا بخير وأفضل من ناس كتير الحمد لله."

وتابعت ملك:"عندي يقين إن ربنا هيقومني بالسلامة، وكنت خايفة جدًا فكتبت، رغم إني مش متعودة أتكلم عن الجوانب السلبية. بشكر من قلبي كل اللي دعالي أو حتى فكر فيا، كل كلمة وصلتني، آسفة لو ما قدرتش أرد على الكل بشكر زمايلي، أساتذتي، أصحابي، وعيلتي اللي كانوا جنبي خطوة بخطوة."

وكشفت ملك عن تطورات حالتها الصحية قائلة:"الحمد لله بطلت أروح المستشفى، أنا أحسن دلوقتي، وراضية بكل اللي حصل. الموضوع كان صعب وخضّنا، بس ربنا سترها، واتضح إن السبب حساسية شديدة في الدم، وده وضع حساس جدًا، بس مش خطر بإذن الله."

واختتمت رسالتها قائلة:"أنا مطمنة، وبتحسن كل يوم الحمد لله، بشكركم من قلبي على كل الحب والدعم، فعلاً عرفت قد إيه أنا غالية على الناس اللي حواليا، وإن شاء الله اللي جاي أحسن بكتير."