زيزو: والدي كان عنده حق يرفض التفاوض مع مجلس حسين لبيب

أكد أحمد سيد زيزو، نجم الزمالك السابق ولاعب الأهلي الحالي، أن سبب رحيله عن القلعة البيضاء لم يكن ماديًا كما تم تداوله، وإنما جاء كرد فعل على ما وصفه بـ"محاولات تشويه صورته وصورة والده"، مشيرًا إلى أن مطالبهم كانت تتمحور حول إظهار الحقيقة وإنصاف ما حدث في الكواليس.

وقال زيزو:«لجنة التخطيط كانت فاكرة إن الأزمة مادية، لكن قلت لهم إن الموضوع مش فلوس.. إحنا بس كنا عايزين نرجّع حقنا أنا ووالدي، وكان لازم الحقيقة تبان، خصوصًا بعد ما ناس كتبت كلام كذب وماقدروش يتراجعوا عنه».

وأضاف: «كنت محتاج الناس تطلع وتقول إن اللي اتقال مش حقيقي، المسؤولين اللي اتكلموا بكلام كاذب، مكانش في حد يقدر يطلع ويقول: أنا كداب».

وفيما يخص موقف والده، قال زيزو:«لو والدي قال مش هتفاوض مع مجلس حسين لبيب، ده حقه الكامل، إحنا قضينا 8 شهور بناخد مواعيد ونستنى، وفي الآخر مفيش حاجة بتحصل».

وأشار زيزو إلى أن معظم لاعبي الفريق كانوا مطلعين على ما يجري:«اللاعيبة كانت عارفة كل حاجة. ولما رجعت التمرين، لقيت رد فعل طبيعي من البعض، بس استغربت من ناس عاشوا معايا الموقف بالكامل وتغيروا فجأة».