رانيا فريد شوقي تكشف حقيقة زواج بوسي شلبي ومحمود عبدالعزيز.. تفاصيل

علقت الفنانة رانيا فريد شوقي، على الجدل الذي تداول خلال الساعات الماضية حول زواج الاعلامية بوسي شلبي، والفنان القدير محمود عبدالعزيز.

وكتبت رانيا فريد شوقي، عبر صفحتها على موقع التواصل الاجتماعي فيسبوك»: «في حاجات صعب تتقال، بس الأصعب إننا نسكت عنها لما تكون ست محترمة، عاشرت راجل بكل إخلاص لأكتر من 20 سنة، في النور، والناس كلها كانت شاهدة، وفجأة يتقال إنها ما كانتش زوجته؟ ده مش بس ظلم، ده طمس للحق، وتجريح في سيدة كانت زوجة بكل معنى الكلمة، في العِشرة، في الستر، في الوفاء».

وأضافت:« ازاي ننسى وقفتها جنبه في اضعف لحظاته؟ في مرضه و كانت معاه في المستشفى، مقيمه و بترعاه بكل الحب و الموده و الخوف عليه كانت السند، والونس، والحياة اللي عاشها باختياره، مش غصب عنه والمؤلم أكتر إن اللي بيحصل دلوقتي ضد رغبته هو».

وتابعت رانيا فريد شوقي:« الراجل اللي عاش معاها ومكانش يوم اعترض أو أنكرها. فلو كانت فعلاً مش زوجته، ليه عاش معاها قدام الكل؟ وليه سكتوا كل السنين دي؟ ليه الكلام بدأ بس بعد ما رحل؟ هل الإنصاف بيتأجل لحد ما صاحبه ما يقدرش يدافع عن نفسه؟ واللي مؤلم بجد، إن في الكلام ده إساءة لجميع الاطراف».

واستكملت حديثها:«اللي بيحصل مش مجرد خلاف، ده جرح في ضمير كل حد بيعرف الحقيقة، وبيداريها. كل الدعم لصاحبتي، الست الأصيلة اللي عاشت في النور، واتبنت حياة على الاحترام، واللي بتدفع النهاردة تمن وفائها الحق عمره ما يضيع، حتى لو اتأخر، والناس اللي عندها ضمير هتعرف تميّز».

ووجهت رسالة إلى اللجان الإلكتروني:« وياريت اللجان الاكترونيه تهدي شوية لأنها بقت مفقوسة و اتمني النقاش يكون بأحترام الطرفين والضمير بيقول ان اي حد يكتب حاجة يجنب مشاعره و يقول كلمة الحق و كما تدين تدان خليها قاعدة في حياتكم».

وختمت رانيا فريد شوقي كلامها:« ربنا يظهر الحق، ويدّي لكل واحد على قد نيّته»
"وَلَا تَكْتُمُوا الشَّهَادَةَ ۚ وَمَن يَكْتُمْهَا فَإِنَّهُ آثِمٌ قَلْبُهُ" 
"بَلْ نَقْذِفُ بِالْحَقِّ عَلَى الْبَاطِلِ فَيَدْمَغُهُ فَإِذَا هُوَ زَاهِقٌ».