شيش طاووق بيتي.. غداء شهي وسهل التحضير بأقل التكاليف

لو بتفكري في وجبة سريعة، لذيذة، وغير مكلفة، يبقى الشيش طاووق البيتي هو الحل، سعر سندوتش واحد من المحلات الشهيرة ممكن يعادل تكلفة وجبة كاملة تكفي أسرتك، ونستعرض في السطور التالية، طريقة تحضير الشيش طاووق ببساطة ومذاق لذيذ. 

المكونات

كيلو أوراك دجاج مخلية ومقطعة مكعبات

كوب زبادي

3 ملاعق كبار زيت زيتون

3 فصوص ثوم مفروم

ملعقة صغيرة ملح

ملعقة صغيرة فلفل أسود

ملعقة صغيرة بابريكا

ملعقة صغيرة بهارات دجاج

ملعقة صغيرة كركم

عصير ليمونة

2 ملعقة خل

ملعقة كبيرة معجون طماطم

طريقة التحضير

1. التتبيلة السحرية

اخلطي الزبادي مع الزيت، الثوم، التوابل، الليمون، الخل، ومعجون الطماطم. قلّبي جيدًا لحد ما المكونات تمتزج.

2. تتبيل الدجاج

ضيفي مكعبات الدجاج للتتبيلة وغطيها كويس، سيبيها في التلاجة على الأقل 4 ساعات، ولو ليل كامل يكون أحسن.

3. التحضير

رصي قطع الدجاج في أسياخ الشوي، وممكن تحطي معاها فلفل ألوان أو بصل حسب الرغبة.

4. الشوي

سخني الشواية واشوي الأسياخ من 10-15 دقيقة، وقلبيها علشان تتحمر من كل الجوانب.

5. التقديم

قدميها مع أرز، سلطة طحينة، أو عيش عربي، وبالهنا والشفا.