طريقة الحواوشي البيتي، عجينة طرية وطعم لذيذ

الحواوشي من الأكلات الشعبية اللي لها مكانة خاصة على السفرة المصرية، وفي كل منزل هناك محاوله لعمل الحواوشي بالطعم الأصلي المميز. لو نفسك تعملي حواوشي بيتي بطعم احترافي، جربي الوصفة دي بعجينة سهلة وهشة وتتبيلة غنية بالنكهات.

مكونات العجينة

3 أكواب دقيق

2 بيضة

نصف كوب حليب

رشة ملح

ماء حسب الحاجة

2 ملعقة كبيرة زيت

مكونات الحشو

نصف كيلو لحم مفروم

بصلة كبيرة مبشورة

2 فص ثوم مهروس

5 قرون فلفل أحمر حار مفروم

ثمرة طماطم مبشورة

نصف كوب طحينة

رشة فلفل أسود

رشة بهارات مشكلة

كوب جبنة موتزاريلا (اختياري للوش)

زيت للدهن

دقيق لفرد العجينة

طريقة التحضير

حضّري الحشوة أولاً

اخلطي اللحم مع البصل والثوم والطماطم والفلفل والبهارات والطحينة، وقلّبيهم كويس جدًا. غطي الخليط وسيبيه في التلاجة يرتاح.

لتحضير العجينة

اخلطي الدقيق مع الملح والبيض والزيت، وابدئي في إضافة الحليب والماء تدريجيًا لحد ما تحصلي على عجينة ناعمة. اعجنيها كويس وسيبيها ترتاح نص ساعة.

التشكيل

قسّمي العجينة كور صغيرة، وافردي كل كورة على سطح مرشوش دقيق. افردي طبقة من الحشو على دائرة العجين، وغطيها بدائرة تانية، واغلقي الأطراف كويس.

اللمسة الأخيرة

ادهني الوجه بخليط بيضة مع شوية حليب، ورشي الجبنة الموتزاريلا لو حابة.
دخّلي الحواوشي فرن سخن جدًا على الشبكة في النص لمدة 15 دقيقة.