نيللي كريم وكندة علوش تكشفان أسرار صداقة عمرها 15 سنة

في حلقة مليانة مشاعر وضحك من برنامج "معكم منى الشاذلي"، أطلت النجمتان نيللي كريم وكندة علوش كضيوف مميزين، وكشفوا لأول مرة كواليس صداقتهما اللي بقالها أكتر من 15 سنة، وبدأت بشكل غير متوقع تمامًا.

قالت نيللي كريم، إنها تعرفت على كندة لأول مرة في سوريا خلال تصوير مسلسل "هدوء نسبي"، ورغم إنهم ما كانوش في مشاهد مشتركة، إلا إن العلاقة بدأت هناك وفضلت تكبر.

وأضافت:"قعدت شهرين في سوريا وما كنتش أعرف حد، لكن لما اتعرفت على كندة انبسطت جدًا. وقتها ما كنتش أعرف إنها ناوية تمثل، كانت شغالة في حاجات تانية."

أما كندة، فقالت بحب واضح:"ما اشتغلناش مع بعض، بس كنا دايمًا في نفس الأماكن ونفس السفرات، وحبيتها من أول مرة."

 ووصفت نيللي صديقتها بأنها إنسانة مليانة حب وطاقة، وقالت عنها:"شنطتها دايمًا مليانة أكل لكل الناس.. بومبوني، مكسرات، ودايمًا تسأل: عايزين تاكلوا إيه؟ عندها طاقة حب مش طبيعية.

وفي سياق آخر، كشفت نيللي عن ملامح شخصيتها الجديدة "سُهى" في مسلسل "إخواتي"، واللي بتجسد فيها دور سيدة قوية وما بتستسلمش بسهولة.

قالت الفنانة نيللي كريم ضاحكة: "دي خياطة إيد واحد من أول حلقة! فلازم تبقى شَرِسة شوية."  وأكدت إن فيه "كيميا تلقائية" بتحصل بينها وبين الشخصية: "أنا لما بدخل في الدور، ببقى هي فعلاً.. اللبس، المكياج، وحتى طريقة المشي."