«احنا دفنينه سوا»، منشور غامض لـ «مجدي الهواري» يثير جدلا واسعا

أثار المخرج مجدي الهواري، الجدل بعد نشر منشور غامض خلال الساعات الماضية، عن أحد الفنانين المشاركة في مسلسلات رمضان 2025.

وكتب مجدي الهواري، عبر صفحته على موقع التواصل الاجتماعي «فيسبوك»، قال: «حاول تسوق لمسلسلك زي مانت عايز حتى لو عملت فيها ناجح. بس المشكلة إنك بتصدق بعد شوية أنك عامل حاجة حلوة وتتعامل على هذا الأساس مع إننا دفنينه سويا».

ونشر مجدي الهواري، منشور آخر على موقع التواصل الاجتماعي «فيسبوك»، عن آراء الفنانين في بعض قال: «في شغلاتنا اتعلمنا إننا نقول الحلو في الزملاء ولما يعملوا حاجة وحشة متتقلش في العلن يعني تسكت وتعمل مشفتش ولما تتزنق قول مشفتش وده علشان الزمالة واحد وعلشان بكره أنت ممكن تبقي في مكانه بخلاف إنك هتلف تلف وتيجي في وشك! لأنه في الشغلانة وكمان أنت مش محلل ولا ناقد».

تابع: «أنت صانع فاخلع رأيك ده وخليه لنفسك ولو سألك اللي مهبب عنه في حاجة ده ابقى قوله في وشه زبالة! بس بلاش في الميديا طيب النهارده أنا هعمل كده رغم إن كل الناس ما شالله بقيت نقاد ومحللين حتي والله اللي عمره مادخل بلاتوه بس أنا هتكلم عن كل مسلسل أعطيت له فرصة السنة اللي فاتت أنه يراجع نفسه ويعمل حاجة السنة دي كويسة ولم يحدث للأسف».

وأضاف مجدي الهواري: « أنا قررت أقوله أنت زي الزفت وبتفكر في التريند أهم من السيناريو المسلسل بتاعكً! بس وهقول كمان على الحلو واللي كنت متوقع إنه حلو واللي فاجأني بالعكس بس هبدأ بالحلو علشان مقفلش الموسم! استنوني بكرة بعد أول أسبوع».