محمد الدماطي: الأهلي هو جنة جمهوره

خرج محمد الدماطي عضو مجلس إدارة النادي الأهلي، يتغنى بجمهور المارد الأحمر، بعد الضغط الكبير الذي وصفه عضو مجلس الإدارة بسبب التدعيمات المحلية للفريق خلال فترة الانتقالات الشتوية.

وقال «الدماطي» عبر صفحته الشخصية على موقع التواصل الإجتماعي “فيسبوك”: الحمد لله أنا عندي من الشجاعة والثقة اللي يخليني أقول كل اللي جوايا من غير كسوف بعيد عن أي حاجة، وبعترف بوضوح إني كبني ادم طبيعي أهلاوي متعصب وفي موقع مسئولية.

أضاف: بتأثر بشكل سلبي جدا من كمية النقد والضغط المتواصل، يمكن لمرحلة محدش يتخيلها عكس ما الناس بتبقي فاهمة، و الإحساس دا بيزيد لان حقيقي شايف الصعوبات والتحديات وفي نفس الوقت معنديش شك في أسلوب إدارة الكورة في النادي اللي مهما حصل بيقدر يجتاز أي صعوبات ويكمل.

تابع: المهم إن كل الضغط النفسي دا اللي ببقي متخيل أنه حيفضل سايب جوايا رواسب مهما حصل بينتهي بمجرد ما بشوف الجمهور فرحان، مجرد كلمة واحدة كويسة بتمسح أي حاجة قبلها، متفهم جدا إن الأهلي هو “جنة جمهوره”.

اختتم: الجمهور مش متخيل أن يشوف الجنة فيها حاجة غلط  ولو لفترة صغيرة، متفهم جدا إن أي صعوبات في الدنيا الأهلي بيهونها وأنه مش مجرد نادي دا دواء لحاجات كتير أوي لينا كلنا.