«في نفس الميعاد» .. أحدث كليبات نسمة محجوب عبر اليوتيوب

طرحت المطربة نسمة محجوب أغنية جديدة بعنوان : "فى نفس الميعاد" بطريقة الفيديو كليب، عبر موقع الفيديوهات الشهير "يوتيوب" والمنصات الموسيقية المختلفة، ومحطات الراديو.

أغنية " في نفس الميعاد" كتب كلماتها عادل العش، ولحنها سامر جورج، وقام بتوزيعها موسيقيا ماهر الملاخ، توزيع شركة ديجيتال ساوند.

تقول كلمات أغنية "نفس الميعاد":

فى نفس الميعاد .. ونفس الطريق
بقف وسط ناسى .. بجيتارى الرقيق
أونس بصوتى .. حيطان البيوت
وريحة الشوارع .. ورمل الطريق

وكل اللى يسمع .. يشدّه الكلام
يقابل غنايا .. بكل اهتمام
ويمشوا فى طريقهم .. ويسمعنى غيرهم
بغنى لمعنى .. الحياة والسلام

وكل اللى واقف .. حابب يشوف
مفيش حد مجبر .. يكمل وقوف
ولا حد فيهم .. بيضحك مجاملة
ولا حد فيهم .. يسقف كسوف

وشايفة فى عينيهم .. ملامح بريئة
وباقبل شعورهم .. لأنه الحقيقة
ولا مرة اسيبهم .. وابطّل أغانى
إلا وبعانى .. بنفس الطريقة
كل اما تعند معايا الحياة
بارجع مكانى وافضل اغنى

وكانت نسمة محجوب قد شاركت مؤخرا بالأداء الصوتي لشخصية "أفيا"، فى فيلم الكارتون "موفاسا الأسد الملك"، بالإضافة إلى أغنية "ميليلي".

كما طرحت أيضا أغنية "الناس حواديت" عبر موقع الفيديوهات "يوتيوب"، الأغنية من كلمات سالم الشهباني، وألحان كريم نيازي، وتوزيع موسيقي كريم أسامة.