«أنا اتيتمت من بعدك».. رسالة مؤلمة من نشوى مصطفى عن زوجها الراحل

«أنا اتيتمت من بعدك وقلبي مغروس فيه خنجر».. هكذا وصفت الفنانة نشوى مصطفى حجم الألم والمعاناة التي تعيشها بعد فقدان زوجها، مؤكدة أنها لم تستطيع أن تتحمل رحيلة وتمارس حياتها بشكل طبيعي.

وأعربت نشوى مصطفى، عن اشتياقها الكبير لزوجها، من خلال منشور نشرته عبر حسابها بموقع التواصل الاجتماعي «فيسبوك».

معاناة نشوى مصطفى بعد وفاة زوجها

وكتبت: «الله يرحمك ويسعدك ويراضيك يا نور عينيه، عارف يا عماد امبارح أخويا بيقولى أنتى كنتى مهمومة وبتراعى وواخدة بالك مننا كلنا، وابيه عماد هو الوحيد اللي كان مهموم وواخد باله منك وبيراعيكى ومهتم بيكى».

وأردفت نشوى مصطفى: «يا عماد أنت كنت رزقى الكبير ورزقى انقطع أنت كنت سندى وضهرى وسترى أنت كنت اطمئنان قلبى أنت كنت سرى كنت باجرى عليك اشتكي لك وتصبرنى اسألك وتفهمنى كنت أبويا ودلوقتى أنا اتيتمت مش هكذب عليك أنا بأمثل إنى عايشة قلبى مغروس فيه خنجر وروحى مصلوبة فوق محرقة».

وأضافت: «نار فراقك بتزيد كل ما الوقت بيعدى مش بتقل، خدعتنى ومشيت بسرعة، بينا كلام لسه مخلصش، بينا أحلام لولادنا وأحفادنا لسه ما اتحققتش».

واختتمت نشوى مصطفى رسالتها، قائلة: «أنت موجود قدام عينيه طول الوقت وصوتك فى ودانى، ادعى لى يا حبيبى، يارب امتى اللقا، اللي بيحب ربنا يدعى لحبيبى بالرحمة ويدعى لى بالصبر ويدعى لولادى بالصبر والثبات».